Loading...
Chapter 10
vibhutiyoga · 42 verses
श्री भगवानुवाच भूय एव महाबाहो श्रृणु मे परमं वचः। यत्तेऽहं प्रीयमाणाय वक्ष्यामि हितकाम्यया৷৷
śrī bhagavānuvāca bhūya ēva mahābāhō śrṛṇu mē paramaṅ vacaḥ. yattē.haṅ prīyamāṇāya vakṣyāmi hitakāmyayā৷৷
"Lord Shri Krishna said: Now, O Prince! Listen to My supreme advice, which I give thee for the sake of thy welfare, for thou art My beloved.
न मे विदुः सुरगणाः प्रभवं न महर्षयः। अहमादिर्हि देवानां महर्षीणां च सर्वशः৷৷
na mē viduḥ suragaṇāḥ prabhavaṅ na maharṣayaḥ. ahamādirhi dēvānāṅ maharṣīṇāṅ ca sarvaśaḥ৷৷
Neither the professors of divinity nor the great ascetics know My origin, for I am the source of them all.
यो मामजमनादिं च वेत्ति लोकमहेश्वरम्। असम्मूढः स मर्त्येषु सर्वपापैः प्रमुच्यते৷৷
yō māmajamanādiṅ ca vētti lōkamahēśvaram. asammūḍhaḥ sa martyēṣu sarvapāpaiḥ pramucyatē৷৷
He who knows Me as the unborn, without beginning, the Lord of the universe, he, stripped of his delusion, becomes free from all conceivable sin.
बुद्धिर्ज्ञानमसंमोहः क्षमा सत्यं दमः शमः। सुखं दुःखं भवोऽभावो भयं चाभयमेव च৷৷ अहिंसा समता तुष्टिस्तपो दानं यशोऽयशः। भवन्ति भावा भूतानां मत्त एव पृथग्विधाः৷৷
buddhirjñānamasaṅmōhaḥ kṣamā satyaṅ damaḥ śamaḥ. sukhaṅ duḥkhaṅ bhavō.bhāvō bhayaṅ cābhayamēva ca৷৷ ahiṅsā samatā tuṣṭistapō dānaṅ yaśō.yaśaḥ. bhavanti bhāvā bhūtānāṅ matta ēva pṛthagvidhāḥ৷৷
Intelligence, wisdom, non-illusion, forgiveness, truth, self-control, calmness, pleasure, pain, birth, death, fear and fearlessness;
Harmlessness, equanimity, contentment, austerity, beneficence, fame and failure, all these, the characteristics of beings, spring from Me only.
महर्षयः सप्त पूर्वे चत्वारो मनवस्तथा। मद्भावा मानसा जाता येषां लोक इमाः प्रजाः৷৷
maharṣayaḥ sapta pūrvē catvārō manavastathā. madbhāvā mānasā jātā yēṣāṅ lōka imāḥ prajāḥ৷৷
The seven Great Seers,* the Progenitors of mankind, the Ancient Four,** and the Lawgivers were born of My Will and come forth direct from Me. The race of mankind has sprung from them. [* Mareechi, Atri, Angira, Pulah, Kratu, Pulastya, Vahishta. ** The Masters: Sanak, Sanandan, Sanatan, Sanatkumar.]
एतां विभूतिं योगं च मम यो वेत्ति तत्त्वतः। सोऽविकम्पेन योगेन युज्यते नात्र संशयः৷৷
ētāṅ vibhūtiṅ yōgaṅ ca mama yō vētti tattvataḥ. sō.vikampēna yōgēna yujyatē nātra saṅśayaḥ৷৷
He who rightly understands My manifested glory and My Creative Power, beyond doubt attains perfect peace.
अहं सर्वस्य प्रभवो मत्तः सर्वं प्रवर्तते। इति मत्वा भजन्ते मां बुधा भावसमन्विताः৷৷
ahaṅ sarvasya prabhavō mattaḥ sarvaṅ pravartatē. iti matvā bhajantē māṅ budhā bhāvasamanvitāḥ৷৷
I am the source of all; from Me everything flows. Therefore the wise worship Me with unchanging devotion.
मच्चित्ता मद्गतप्राणा बोधयन्तः परस्परम्। कथयन्तश्च मां नित्यं तुष्यन्ति च रमन्ति च৷৷
maccittā madgataprāṇā bōdhayantaḥ parasparam. kathayantaśca māṅ nityaṅ tuṣyanti ca ramanti ca৷৷
With minds concentrated on Me, with lives absorbed in Me, and enlightening each other, they ever feel content and happy.
तेषां सततयुक्तानां भजतां प्रीतिपूर्वकम्। ददामि बुद्धियोगं तं येन मामुपयान्ति ते৷৷
tēṣāṅ satatayuktānāṅ bhajatāṅ prītipūrvakam. dadāmi buddhiyōgaṅ taṅ yēna māmupayānti tē৷৷
To those who are always devout and who worship Me with love, I give the power of discrimination, which leads them to Me.
तेषामेवानुकम्पार्थमहमज्ञानजं तमः। नाशयाम्यात्मभावस्थो ज्ञानदीपेन भास्वता৷৷
tēṣāmēvānukampārthamahamajñānajaṅ tamaḥ. nāśayāmyātmabhāvasthō jñānadīpēna bhāsvatā৷৷
By My grace, I live in their hearts; and I dispel the darkness of ignorance by the shining light of wisdom.
अर्जुन उवाच परं ब्रह्म परं धाम पवित्रं परमं भवान्। पुरुषं शाश्वतं दिव्यमादिदेवमजं विभुम्৷৷ आहुस्त्वामृषयः सर्वे देवर्षिर्नारदस्तथा। असितो देवलो व्यासः स्वयं चैव ब्रवीषि मे৷৷
arjuna uvāca paraṅ brahma paraṅ dhāma pavitraṅ paramaṅ bhavān. puruṣaṅ śāśvataṅ divyamādidēvamajaṅ vibhum৷৷ āhustvāmṛṣayaḥ sarvē dēvarṣirnāradastathā. asitō dēvalō vyāsaḥ svayaṅ caiva bravīṣi mē৷৷
Arjuna asked: Thou art the Supreme Spirit, the Eternal Home, the Holiest of the Holy, the Eternal Divine Self, the Primal God, the Unborn and the Omnipresent.
So have said the seers and the divine sage Narada; as well as Asita, Devala and Vyasa; and Thou Thyself also sayest it.
सर्वमेतदृतं मन्ये यन्मां वदसि केशव। न हि ते भगवन् व्यक्ितं विदुर्देवा न दानवाः৷৷
sarvamētadṛtaṅ manyē yanmāṅ vadasi kēśava. na hi tē bhagavan vyakitaṅ vidurdēvā na dānavāḥ৷৷
I believe in what Thou hast said, my Lord! For neither the godly not the godless comprehend Thy manifestation.
स्वयमेवात्मनाऽत्मानं वेत्थ त्वं पुरुषोत्तम। भूतभावन भूतेश देवदेव जगत्पते৷৷
svayamēvātmanā.tmānaṅ vēttha tvaṅ puruṣōttama. bhūtabhāvana bhūtēśa dēvadēva jagatpatē৷৷
Thou alone knowest Thyself, by the power of Thy Self; Thou the Supreme Spirit, the Source and Master of all being, the Lord of Lords, the Ruler of the Universe.
वक्तुमर्हस्यशेषेण दिव्या ह्यात्मविभूतयः। याभिर्विभूतिभिर्लोकानिमांस्त्वं व्याप्य तिष्ठसि৷৷
vaktumarhasyaśēṣēṇa divyā hyātmavibhūtayaḥ. yābhirvibhūtibhirlōkānimāṅstvaṅ vyāpya tiṣṭhasi৷৷
Please tell me all about Thy glorious manifestations, by means of which Thou pervadest the world.
कथं विद्यामहं योगिंस्त्वां सदा परिचिन्तयन्। केषु केषु च भावेषु चिन्त्योऽसि भगवन्मया৷৷
kathaṅ vidyāmahaṅ yōgiṅstvāṅ sadā paricintayan. kēṣu kēṣu ca bhāvēṣu cintyō.si bhagavanmayā৷৷
O Master! How shall I, by constant meditation, know Thee? My Lord! What are Thy various manifestations through which I am to mediate on Thee?
विस्तरेणात्मनो योगं विभूतिं च जनार्दन। भूयः कथय तृप्तिर्हि श्रृण्वतो नास्ति मेऽमृतम्৷৷
vistarēṇātmanō yōgaṅ vibhūtiṅ ca janārdana. bhūyaḥ kathaya tṛptirhi śrṛṇvatō nāsti mē.mṛtam৷৷
Tell me again, I pray, about the fullness of Thy power and Thy glory; for I feel that I am never satisfied when I listen to Thy immortal words.
श्री भगवानुवाच हन्त ते कथयिष्यामि दिव्या ह्यात्मविभूतयः। प्राधान्यतः कुरुश्रेष्ठ नास्त्यन्तो विस्तरस्य मे৷৷
śrī bhagavānuvāca hanta tē kathayiṣyāmi divyā hyātmavibhūtayaḥ. prādhānyataḥ kuruśrēṣṭha nāstyantō vistarasya mē৷৷
Lord Shri Krishna replied: So be it, My beloved fried! I will unfold to thee some of the chief aspects of My glory. Of its full extent there is no end.
अहमात्मा गुडाकेश सर्वभूताशयस्थितः। अहमादिश्च मध्यं च भूतानामन्त एव च৷৷
ahamātmā guḍākēśa sarvabhūtāśayasthitaḥ. ahamādiśca madhyaṅ ca bhūtānāmanta ēva ca৷৷
O Arjuna! I am the Self, seated in the hearts of all beings; I am the beginning and the life, and I am the end of them all.
आदित्यानामहं विष्णुर्ज्योतिषां रविरंशुमान्। मरीचिर्मरुतामस्मि नक्षत्राणामहं शशी৷৷
ādityānāmahaṅ viṣṇurjyōtiṣāṅ raviraṅśumān. marīcirmarutāmasmi nakṣatrāṇāmahaṅ śaśī৷৷
Of all the creative Powers I am the Creator, of luminaries the Sun; the Whirlwind among the winds, and the Moon among planets.
वेदानां सामवेदोऽस्मि देवानामस्मि वासवः। इन्द्रियाणां मनश्चास्मि भूतानामस्मि चेतना৷৷
vēdānāṅ sāmavēdō.smi dēvānāmasmi vāsavaḥ. indriyāṇāṅ manaścāsmi bhūtānāmasmi cētanā৷৷
Of the Vedas I am the Hymns, I am the Electric Force in the Powers of Nature; of the senses I am the Mind; and I am the Intelligence in all that lives.
रुद्राणां शङ्करश्चास्मि वित्तेशो यक्षरक्षसाम्। वसूनां पावकश्चास्मि मेरुः शिखरिणामहम्৷৷
rudrāṇāṅ śaṅkaraścāsmi vittēśō yakṣarakṣasām. vasūnāṅ pāvakaścāsmi mēruḥ śikhariṇāmaham৷৷
Among Forces of Vitality I am the life, I am Mammon to the heathen and the godless; I am the Energy in fire, earth, wind, sky, heaven, sun, moon and planets; and among mountains am the Mount Meru.
पुरोधसां च मुख्यं मां विद्धि पार्थ बृहस्पतिम्। सेनानीनामहं स्कन्दः सरसामस्मि सागरः৷৷
purōdhasāṅ ca mukhyaṅ māṅ viddhi pārtha bṛhaspatim. sēnānīnāmahaṅ skandaḥ sarasāmasmi sāgaraḥ৷৷
Among the priests, know, O Arjuna, that I am the Apostle Brihaspati; of generals I am Skanda, the Commander-in-Chief, and of waters I am the Ocean.
महर्षीणां भृगुरहं गिरामस्म्येकमक्षरम्। यज्ञानां जपयज्ञोऽस्मि स्थावराणां हिमालयः৷৷
maharṣīṇāṅ bhṛgurahaṅ girāmasmyēkamakṣaram. yajñānāṅ japayajñō.smi sthāvarāṇāṅ himālayaḥ৷৷
Of the great seers I am Bhrigu, of words I am Om, of offerings I am the silent prayer, among things immovable I am the Himalayas.
अश्वत्थः सर्ववृक्षाणां देवर्षीणां च नारदः। गन्धर्वाणां चित्ररथः सिद्धानां कपिलो मुनिः৷৷
aśvatthaḥ sarvavṛkṣāṇāṅ dēvarṣīṇāṅ ca nāradaḥ. gandharvāṇāṅ citrarathaḥ siddhānāṅ kapilō muniḥ৷৷
Of trees I am the sacred Fig-tree, of the Divine Seers Narada, of the heavenly singers I am Chitraratha, their Leader, and of sages I am Kapila.
उच्चैःश्रवसमश्वानां विद्धि माममृतोद्भवम्। ऐरावतं गजेन्द्राणां नराणां च नराधिपम्৷৷
uccaiḥśravasamaśvānāṅ viddhi māmamṛtōdbhavam. airāvataṅ gajēndrāṇāṅ narāṇāṅ ca narādhipam৷৷
Know that among horses I am Pegasus, the heaven-born; among the lordly elephants I am the White one, and I am the Ruler among men.
आयुधानामहं वज्रं धेनूनामस्मि कामधुक्। प्रजनश्चास्मि कन्दर्पः सर्पाणामस्मि वासुकिः৷৷
āyudhānāmahaṅ vajraṅ dhēnūnāmasmi kāmadhuk. prajanaścāsmi kandarpaḥ sarpāṇāmasmi vāsukiḥ৷৷
I am the Thunderbolt among weapons; of cows I am the Cow of Plenty, I am Passion in those who procreate, and I am the Cobra among serpents.
अनन्तश्चास्मि नागानां वरुणो यादसामहम्। पितृ़णामर्यमा चास्मि यमः संयमतामहम्৷৷
anantaścāsmi nāgānāṅ varuṇō yādasāmaham. pitṛṇāmaryamā cāsmi yamaḥ saṅyamatāmaham৷৷
I am the King-python among snakes, I am the Aqueous Principle among those that live in water, I am the Father of fathers, and among rulers I am Death.
प्रह्लादश्चास्मि दैत्यानां कालः कलयतामहम्। मृगाणां च मृगेन्द्रोऽहं वैनतेयश्च पक्षिणाम्৷৷
prahlādaścāsmi daityānāṅ kālaḥ kalayatāmaham. mṛgāṇāṅ ca mṛgēndrō.haṅ vainatēyaśca pakṣiṇām৷৷
And I am the devotee Prahlad among the heathen; of Time I am the Eternal Present; I am the Lion among beasts and the Eagle among birds.
पवनः पवतामस्मि रामः शस्त्रभृतामहम्। झषाणां मकरश्चास्मि स्रोतसामस्मि जाह्नवी৷৷
pavanaḥ pavatāmasmi rāmaḥ śastrabhṛtāmaham. jhaṣāṇāṅ makaraścāsmi srōtasāmasmi jāhnavī৷৷
I am the Wind among purifiers, the King Rama among warriors; I am the Crocodile among the fishes, and I am the Ganges among rivers.
सर्गाणामादिरन्तश्च मध्यं चैवाहमर्जुन। अध्यात्मविद्या विद्यानां वादः प्रवदतामहम्৷৷
sargāṇāmādirantaśca madhyaṅ caivāhamarjuna. adhyātmavidyā vidyānāṅ vādaḥ pravadatāmaham৷৷
I am the Beginning, the Middle and the End in creation; among sciences, I am the science of Spirituality; I am the Discussion among disputants.
अक्षराणामकारोऽस्मि द्वन्द्वः सामासिकस्य च। अहमेवाक्षयः कालो धाताऽहं विश्वतोमुखः৷৷
akṣarāṇāmakārō.smi dvandvaḥ sāmāsikasya ca. ahamēvākṣayaḥ kālō dhātā.haṅ viśvatōmukhaḥ৷৷
Of letters I am A; I am the copulative in compound words; I am Time inexhaustible; and I am the all-pervading Preserver.
मृत्युः सर्वहरश्चाहमुद्भवश्च भविष्यताम्। कीर्तिः श्रीर्वाक्च नारीणां स्मृतिर्मेधा धृतिः क्षमा৷৷
mṛtyuḥ sarvaharaścāhamudbhavaśca bhaviṣyatām. kīrtiḥ śrīrvākca nārīṇāṅ smṛtirmēdhā dhṛtiḥ kṣamā৷৷
I am all-devouring Death; I am the Origin of all that shall happen; I am Fame, Fortune, Speech, Memory, Intellect, Constancy and Forgiveness.
बृहत्साम तथा साम्नां गायत्री छन्दसामहम्। मासानां मार्गशीर्षोऽहमृतूनां कुसुमाकरः৷৷
bṛhatsāma tathā sāmnāṅ gāyatrī chandasāmaham. māsānāṅ mārgaśīrṣō.hamṛtūnāṅ kusumākaraḥ৷৷
Of hymns I am Brihatsama, of metres I am Garatri, among the months I am Margasheersha (December), and I am the Spring among seasons.
द्यूतं छलयतामस्मि तेजस्तेजस्विनामहम्। जयोऽस्मि व्यवसायोऽस्मि सत्त्वं सत्त्ववतामहम्৷৷
dyūtaṅ chalayatāmasmi tējastējasvināmaham. jayō.smi vyavasāyō.smi sattvaṅ sattvavatāmaham৷৷
I am the Gambling of the cheat and the Splendour of the splendid; I am Victory; I am Effort; and I am the Purity of the pure.
वृष्णीनां वासुदेवोऽस्मि पाण्डवानां धनंजयः। मुनीनामप्यहं व्यासः कवीनामुशना कविः৷৷
vṛṣṇīnāṅ vāsudēvō.smi pāṇḍavānāṅ dhanaṅjayaḥ. munīnāmapyahaṅ vyāsaḥ kavīnāmuśanā kaviḥ৷৷
I am Shri Krishna among the Vishnu-clan and Arjuna among the Pandavas; of the saints I am Vyasa, and I am Shukracharya among the sages.
दण्डो दमयतामस्मि नीतिरस्मि जिगीषताम्। मौनं चैवास्मि गुह्यानां ज्ञानं ज्ञानवतामहम्৷৷
daṇḍō damayatāmasmi nītirasmi jigīṣatām. maunaṅ caivāsmi guhyānāṅ jñānaṅ jñānavatāmaham৷৷
I am the Sceptre of rulers, the Strategy of the conquerors, the Silence of mystery, the Wisdom of the wise.
यच्चापि सर्वभूतानां बीजं तदहमर्जुन। न तदस्ति विना यत्स्यान्मया भूतं चराचरम्৷৷
yaccāpi sarvabhūtānāṅ bījaṅ tadahamarjuna. na tadasti vinā yatsyānmayā bhūtaṅ carācaram৷৷
I am the Seed of all being, O Arjuna! No creature moving or unmoving can live without Me.
नान्तोऽस्ति मम दिव्यानां विभूतीनां परंतप। एष तूद्देशतः प्रोक्तो विभूतेर्विस्तरो मया৷৷
nāntō.sti mama divyānāṅ vibhūtīnāṅ paraṅtapa. ēṣa tūddēśataḥ prōktō vibhūtērvistarō mayā৷৷
O Arjuna! The aspects of My divine life are endless. I have mentioned but a few by way of illustration.
यद्यद्विभूतिमत्सत्त्वं श्रीमदूर्जितमेव वा। तत्तदेवावगच्छ त्वं मम तेजोंऽशसंभवम्৷৷
yadyadvibhūtimatsattvaṅ śrīmadūrjitamēva vā. tattadēvāvagaccha tvaṅ mama tējōṅ.śasaṅbhavam৷৷
Whatever is glorious, excellent, beautiful and mighty, be assured that it comes from a fragment of My splendour.
अथवा बहुनैतेन किं ज्ञातेन तवार्जुन। विष्टभ्याहमिदं कृत्स्नमेकांशेन स्थितो जगत्৷৷
athavā bahunaitēna kiṅ jñātēna tavārjuna. viṣṭabhyāhamidaṅ kṛtsnamēkāṅśēna sthitō jagat৷৷
But what is the use of all these details to thee? O Arjuna! I sustain this universe with only small part of Myself."